هنتكلم النهاردة عن الشاحن وازاي نستخدمه وازاي نشترى غيره لو لا قدر الله باظ او اتسرق
الشاحن يعتبر اهم ملحق من الملحقات اللي بتيجي مع الموبايل ليه ؟
لانه يعتبر هو روح الموبايل والكل في الكل بالبلدى يعني
الاسئلة الشائعة
1- اشحن موبايلي ازاي ؟!
هتشحن موبايلك بأنك توصل الشاحن في الكهرباء الاول وبعدها توصل الشاحن بالموبايل
2- اشيل الموبايل ازاي من علي الشاحن ؟!
هتشيل الفيشة بعد ماتشيل الكابل من الموبايل .
3- اختار الشاحن اللي هشتريه علي اساس ايه ؟!
انت بتشوف الموبايل بتاعك ال IN بتاعه من الامبير كام امبير
يعني مثلا وعلي سبيل المثال موبايل ال IN بتاعه 1 امبير
اختارله شاحن يكون نفس الامبير ومحدش يفرح لو اشترى امبير اعلي وبقي يشحن اسرع لانه هيأثر علي السوكيت وعلي الاجزاء الداخلية للموبايل وممكن توصل لمشاكل انت في غني عنها
4- اختار شاحن يكون نضيف وغالي شوية ولا حاجة مثلا ب 20 جنيه ويكون نفس الامبير ؟
لا الغالي طبعا وتكون ماركة معروفة وكويسة ويستحسن يكون الاصلي بتاع موبايلك
يعني معاك سوني هات سوني .. معاك ال جي هات ال جي وهكذا