بعد اقل من شهرين على بدأ الخدمة في مصر .. اتصالات توقف خاصية الانترنت المجاني في مصر :/
طيب ايه السبب ؟ غالبا هو حاجة من التلاتة دول :
1)
ان الخدمة فيها شوية مشاكل و ثغرات كبيرة زي الموضوع اللي شاركناكم بيه قبل كده اللي كان ممكن من خلاله تدخل على النت بالكامل و تحمل العاب و اغاني و تتفرج على فيديوهات من غير ما ياخد منك قرش واحد و ان اتصالات اكتشفت الموضوع ده و قررت توقف الخدمة لحد ما تصلحها.
2)
لأما القرار كان جاي من جهاز حماية المستهلك زي ما الهند عملت و السبب في كده ان من وجهة نظرهم الفيسبوك بيظلم بقيت المواقع في انه الوحيد اللي ببلاش و ده بيدي افضلية اكتر للفيسبوك و بيدخل عليه زوار اكتر و دي عملية ظالمة لباقي المواقع المصرية و العربية.
3)
اتصالات لقت انها خسرت فلوس كتير فقررت توقف الخدمة.
سواء كان ده او ده او ده اللي نعرفه ان الخدمة وقفت .. و اتصالات مقالتش السبب لحد دلوقتي ..
ما رأيك بكل صراحة ؟